Wat veer geluive?
| Vraog | Antwoord |
|---|---|
| God, wee zeet Geer? | Iech bin de God, dee de hiemel en aarde gemaak heet, mèt alles wat daorin is. |
| En wee is Slivvenhier? | Slivvenhier is Miene Zoon! 2000 jaor geleie is 'R oonder de lui koume woene,door de geboorte oet de maog Maria. |
| Wat deeg Heer tössentied zien leve op aarde? | Heer vertèlde euver Mien Keuninkriek dat kump en leet door woondere en teikens zien tot Mien Keuninkriek kortbij is.
Tenslotte gaof Heer Zien leve aon 't kruus es 'n verzeuning veur euze zun. |
| En wat gebäörde nao Zien sterve? | Op d'n derde daag nao Zien sterve stoont Heer op oet d'n doed. |
| En boe is Slivvenhier noe daan? | 40 daoge later is Heer opgevare naor d'n hiemel en Heer zit noe aon Mien rechterhand |
| Zien veer Häöm daan oets nog trök? | Op Miene tied zal 'n ind gemaak weure aon dees wereld.
Slivvenhier kiert daan trök op de wolke en zal daan alle lui oordeile. Dao zal genade zien veur eederein die in Häöm geleuve. |
| Dus Geer laot us al 2000 jaor aon us lot euver? | Abseluut neet!
Metein nao de hiemelvaart vaan Slivvenhier höb iech Miene Geis gegeve. Dee woent noe in de harte vaan Mien keender. Heer is op zeuk naor lui die vervölt wèlle weure vaan Mien vrei en vräög. Iech höb ouch 'n vraog aon diech: Iech bin nog altied op zeuk nao lui die ope stoon veur Mien Woord. Iech wèl hiel gere mèt hun in kontak koume. Iech wèl ze vaan hun zun zuvere en ze 'n nui leve geve. Noe klop Iech aon de deur vaan dien hart. Wèl ste Miech ouch binne laote? |
Ich geluif in God d'n Almachtige Vader
Maker van hemel en aerd
en in Jezus Christus
ziene einige zoon, ózzen Hiér
Dae óntvange is van d'n Heilige Geis
gebore oet de maag Maria
Dae geleje haet ónder Pontius Pilatus
is gekrusig, gestorve en begrave
dae aafgedaald is in het rijk van d’n dood
d'n derde daag weer opgesjtege is nao d'n hemel
zit aan de rechterhand van God
d'n Almachtige Vader
van dao zal hae kómme oordeile
de levende en de doaje
ich geluif in d'n Heilige Geis
ich geluif d’n heilige katholieke, da is d’n algemene en universele Kèrk
de gemeinsjap van de heilige
de vergeving van de zónde
de verrijzenis van 't lichaam
en 't ièuwig leve.